Святой Иннокентий, в миру Иларион, родился 30 мая 1784 г. в г. Павловом Посаде Московской губернии в семье причетника Димитрия Егорова. В 1806 г. окончил Свято-Троицкую лаврскую семинарию. За мягкость и кротость характера получил в семинарии фамилию Смирнов.

Еще во время обучения (с начала 1805 г.) начал преподавательскую деятельность. 10 августа 1809 г. назначен префектом семинарии. 13 октября того же года (в 25 лет) митрополитом Московским Платоном (Левшиным, †1812) пострижен в монашество с именем Иннокентий в честь святителя Иннокентия, епископа Иркутского. В августе 1810 г. назначен игуменом Николо-Угрешского монастыря Московского уезда, а 14 октября того же года — Знаменского монастыря в Москве. В 1811 г. его назначают бакалавром Церковной истории в Петербургской Духовной Академии. В июне 1812 г. возведен в сан архимандрита, год спустя ему поручают должность инспектора семинарии, а в сентябре 1813 г. св. Иннокентий был утвержден ректором и профессором Петербургской Духовной семинарии с оставлением за ним кафедры церковной истории Духовной академии.

В 1814 г. он становится цензором издаваемой духовной литературы и настоятелем Троице-Сергиевой пустыни. Проповеди отражают незаурядный дар проповедника, впоследствии собрание его сочинений выдержало два издания. Владея в совершенстве как современными европейскими, так и древними языками — еврейским, греческим и латинским, св. Иннокентий изучил первоисточники, в результате чего вышел первый отечественный труд «Начертание Церковной истории от Библейских времен до XVIII века». Св. Синод издал этот труд как пособие для духовных школ; впоследствии он только в XIX в. выдержал 7 изданий. Кроме того, перу святого принадлежат книги «Христианское нравоучение, или Богословие деятельное», «Изъяснение Символа веры», «Опыт изъяснения на первый и второй псалмы» и другие. Впоследствии ему была присуждена степень доктора богословия, он был награжден драгоценным наперсным крестом, орденами св. Владимира II ст. и св. Анны II ст.

В 1815 г. был избран директором Петербургского комитета Российского Библейского общества и введен (вместе со св. Филаретом (Дроздовым), с которым св. Иннокентия связывала тесная дружба) в состав комиссии, под руководством которой осуществлялся перевод Библии на русский язык. В 1816 г. определен настоятелем первоклассного Новгородского Юрьева монастыря. Будущий епископ отличался крайней нестяжательностью. К тому времени о. Иннокентий, несмотря на слабое здоровье, практикует подвиги аскетизма (носит власяницу) и совершает умное делание. Способности, известность, деятельность Иннокентия обещали ему широкий путь, но Господь сподобил ревностного раба Своего завершить свою жизнь не в славе, а в скорбях, понесенных за истину.

В 1818 г. цензор архимандрит Иннокентий допустил к печати книгу «Беседа на гробе младенца о бессмертии души», резко обличавшую лжемудрствования так называемого «внутреннего христианства» — учения с направлением нездорового мистицизма и очень часто шедшего вразрез с Православием, но широко распространенного в высших слоях общества. Приверженец этого учения, обер-прокурор Святейшего Синода князь А. Н. Голицын организовал травлю автора и цензора книги. Архимандрита Иннокентия обвинили в том, что по его неосмотрительности в печать попала книга, стремящаяся «истребить дух внутреннего учения христианского». 6 января 1819 г. на «Беседу…» был наложен запрет. Лишь шесть лет спустя после смерти Владыки он был окончательно оправдан, а «Беседа…» св. Филаретом, митрополитом Московским, вновь разрешена к печати. Св. Иннокентий предвидел, что он, как «сор петербургский», должен быть «выброшен из Петербурга». Предполагалось назначение его епископом Оренбургским и Уфимским, что было крайне опасно для здоровья болящего подвижника, но по ходатайству св. Филарета (Дроздова) и петербургских почитателей св. Иннокентия, учитывая слабое его здоровье, кафедру заменили на Пензенско-Саратовскую.

27 февраля 1819 г. состоялось наречение, а 2 марта хиротония святителя. Чуть более полугода Владыка Иннокентий пробыл епископом Пензенским и Саратовским (из них лишь три месяца прожил в своей епархии), но за это время стяжал такую любовь пасомых, что впоследствии всегда считался лучшим Архиереем Пензенским. Люди любили его за исключительную духовность. Свет Христов освещал не только пастырскую деятельность Владыки, но и все его существо, все поступки, слова. Он преображался при совершении Божественной Литургии, часто слезы прерывали его поучения, и вместе с ним плакал весь храм. В начале августа Владыка Иннокентий прибыл в Саратов, где произнес в кафедральном соборе проповедь на слова Псалмопевца «Возвеличим Господа со мною».

Внешне святитель Иннокентий был похож на св. Димитрия Ростовского, но когда ему говорили об этом, он всегда отвечал: «Не великое дело иметь сходство по наружности. О, если бы благодать Божия сподобила приблизиться к нему по духу». Накануне смерти Владыке, как он рассказывал своему келейнику, было видение: «Казалось мне, что небеса отверзлись. Двое светлых юношей в белых одеждах, слетев с высоты, предстали предо мной и, с любовью смотря на меня, взяли меня, немощного, и вознесли с собою на небо. Сердце мое исполнилось несказанной радости, и я пробудился». 10 октября 1819 г. после соборования и причащения Владыка Иннокентий отошел к Тому, Кого любил более всего. Его последними словами были слова 54-го псалма: «Аз же, Господи, уповаю на Тя». Праведник был погребен под Казанским приделом Спасского кафедрального собора г. Пензы. В конце XIX века началась подготовка канонизации Владыки, было составлено его житие, но большевистский переворот прервал эту работу. В 1990-е годы в Пензенской епархии был возобновлен сбор материалов к прославлению святителя, 3 сентября 1998 г. были обретены его святые мощи, а 20 августа 2000 г., по завершении Юбилейного Освященного Архиерейского Собора Русской Православной Церкви, святитель Иннокентий был причислен к лику святых для общецерковного почитания.

Тропарь святителю Иннокентию, глас 5:

От юности смиренным нареченный, / в монашестве же чистоте тезоименный, / духовной мудрости любитель ты явился еси, / златовещанный благочестия учитель, / за Истину безумными гонимый, / незлобие и кротость проповедавый, / и паству Пензенскую ревностне пасый, / святителю всечестне Иннокентие, / моли Христа нас умудрити во спасение.

Кондак святителю Иннокентию (общий), глас 2:

Божественный гром, труба духовная, / веры насадителю, и отсекателю ересей, / Троицы угодниче, великий святителю Иннокентие, / со ангелы предстоя присно, / моли непрестанно о всех нас.

А. И. Дворжанский Житие святителя Иннокентия, Пензенского чудотворца
Иннокентий, епископ Пензенский и Саратовский (очерк жизни его и деятельности) Составил Д. Троицкий

При подготовке материала были использованы:

1. Е. Поселянин. Русские подвижники XIX века. Репринтное воспроизведение. — М.: изд-во «Синтагма», 1996.
2. Евгений (Болховитинов), митрополит. Словарь исторический о бывших в России писателях духовного чина Греко-Российской Церкви. М.: «Русский Двор», Свято-Троицкая Сергиева Лавра, 1995.
3. А. И. Дворжанский. Житие святителя Иннокентия Пензенского чудотворца. Пенза, 2000.

{mospagebreak heading=Святитель Иннокентий, епископ Пензенский и Саратовский память 10 (23) октября&title=Акафист святителю Иннокентию}

Акафист иже во святых отцу нашему Иннокентию, епископу Пензенскому и Саратовскому, чудотворцу

Составлен иереем Максимом Митрофановым (г. Саратов)

Кондак 1

Избранный угодниче Христов и дивный благочестия подвижниче, святителю отче Иннокентие, восхваляем тя яко Православия поборника и пагубных обычаев искоренителя. Ты же, имеяй дерзновение ко прославльшему тя Господу, даровавшему нам в тебе новаго великаго молитвенника и скораго в бедах помощника, моли о пастве твоей, зовущей: Радуйся, святителю отче Иннокентие, теплый молитвенниче о душах наших.

Икос 1

Ангельским смирением украсив житие свое, человеков богомудренный наставник был еси, святителю отче Иннокентие, от юности возлюбил еси Божественную Премудрость, Ей же храм преукрашенный явился еси, Духом Святым освящен, всех учения лучами просвещая; сего ради тебе, на небеси и на земли прославленному, благодарне во умилении вопием сице:
Радуйся, смирением на гору добродетелей возведенный.
Радуйся, оным ко Ангельским ликом на Небеси причтенный.
Радуйся, Церкви Православныя пастырю предобрый.
Радуйся, пастве своей от волков губительных защитниче неустрашимый.
Радуйся, целомудрия ревнителю изящный.
Радуйся, образе кротости драгоценный.
Радуйся, проповедниче велеречивый.
Радуйся, Архиерею Божий незлобивый.
Радуйся, пензенския паствы удобрение.
Радуйся, града Саратова утверждение.
Радуйся, святителю отче Иннокентие, теплый молитвенниче о душах наших.

Кондак 2

Видев, святителю отче Иннокентие, яко вера православная во Отечестве нашем попирается от лжеучителей инославных, потщался еси вседушно Христу послужити и веру истинную от ересей оградити, паству же от волков, расхищающих ю, защитити. Мы же, дивящеся таковому твоему дерзновению, вопием укрепльшему тя Господу: Аллилуия.

Икос 2

Разум Божественный имея, весь измлада Христу послужил еси, временныя сласти во уметы вменяя, того ради благодатию архиерейства увенча тя Господь. Таковое убо изволение твое воспевающе, вопием ти сице:
Радуйся, путь правый избравый.
Радуйся, яко им же неотступно шествовал еси.
Радуйся, вся красная мира презревый.
Радуйся, душу свою добродетельми просветивый.
Радуйся, сердце свое Христу отверсто имевый.
Радуйся, страстем входы его затворивый.
Радуйся, иноче, послушания вся неленостно прошедый.
Радуйся, священниче, со страхом Божиим Жертву Безкровную приносивый.
Радуйся, монахом правило изящнейшее.
Радуйся, священником образе благоговейнейший.
Радуйся, всем подвизающимся добрый наставниче.
Радуйся, всех нас ко спасению направляяй.
Радуйся, святителю отче Иннокентие, теплый молитвенниче о душах наших.

Кондак 3

Силою свыше облече тя Господь, ты же, святителю отче Иннокентие, взем крест свой, невозвратно Ему последовал еси, и уведев, яко иго Христово благо и бремя Его легко есть, воспел еси Милосердному Богу: Аллилуия.

Икос 3

Гласу апостола Павла внимая, истинным служителем алтаря Господня явился еси, Его же слова на скрижалех сердца твоего начертал еси, и нас послушанию научи, вопиющих ти таковая:
Радуйся, учениче истинный Христов.
Радуйся, яко чистотою Ангелом уподобился еси.
Радуйся, во благовестии апостолом подобный.
Радуйся, яко во учении древним Отцем подражал еси.
Радуйся, даром прозрения почтенный.
Радуйся, исповедниче неустрашимый.
Радуйся, подвижниче, великим преподобным равный.
Радуйся, яко непрестанно ко Господу в молитвах воздыхал еси.
Радуйся, яко милостыню творити николиже преставал еси.
Радуйся, яко на каждый час жития своего память смертную имел еси.
Радуйся, благолепия храмов Божиих ревнителю.
Радуйся, яко сам храм Господу явился еси.
Радуйся, святителю отче Иннокентие, теплый молитвенниче о душах наших.

Кондак 4

Великому святителю Ростовскому Димитрию не токмо ликом подобен был еси, но и делами равен сему явился еси, просвещая маловерных, верных же укрепляя, нас же всех поучая вопити Милосердному Богу: Аллилуия.

Икос 4

«Се Жених грядет в полунощи», — тако воспел еси, благодать архиерейства прияв, блаженне не рабе, но друже Христов Иннокентие, и Господа сретил еси душею, любовию горящею, и нас в любви Божественней укрепи, зовущих ти таковая:
Радуйся, яко сила Божия совершися в немощнем телеси твоем.
Радуйся, яко вси недуги со смирением претерпел еси.
Радуйся, клеветы и осуждения яко младенец незлобивый приимавый.
Радуйся, яко во обличении нечестия на лица не взиравший.
Радуйся, нищих и сирых питателю изобильный.
Радуйся, обиженных защитниче любвеобильный.
Радуйся, обидящих многомудренное обличение.
Радуйся, учителю, паству, ти вверенную, ко спасению наставляяй.
Радуйся, уныние силою упования на милосердие Божие победивый.
Радуйся, с кротостью и смирением и от простых поучения приимавый.
Радуйся, вся козни вражия силою Божиею поправый.
Радуйся, Богу славно угодивый.
Радуйся, святителю отче Иннокентие, теплый молитвенниче о душах наших.

Кондак 5

«Возвеличите Господа со мною и вознесем имя Его вкупе», — тако паству Саратовскую в проповеди призывал еси, ныне же мы с тобою вкупе вопием Живодавцу Богу: Аллилуия.

Икос 5

Непрестанно в келлии колена преклоняя, «Боже, милостив буди мне, грешному», взывал еси, и нам милостива сотвори Владыку Небеси и земли, тебе вопиющим таковая:
Радуйся, имя Господа нашего яко пламенное оружие противу козней диавольских имевый.
Радуйся, онаго силу, яко драгоценный бисер, вся земная оставив, купивый.
Радуйся, силою молитв твоих вся наветы вражия разрушивый.
Радуйся, благочестия столпе, на камене спасительныя веры возведенный.
Радуйся, подвигом своим терпеливо научивый чад своих.
Радуйся, всего себе в руки Божии предавый.
Радуйся, все желание ко Христу имевый;
Радуйся, в Бозе нашем намерение свое полагавый.
Радуйся, яко Христу сораспялся еси.
Радуйся, яко сладость лицем к лицу зрети Его ныне вкушаеши.
Радуйся, молитвенниче наш неусыпный.
Радуйся, светильниче веры неугасимый.
Радуйся, святителю отче Иннокентие, теплый молитвенниче о душах наших.

Кондак 6

Дивным видением укрепи тя Господь при кончине суща земнаго жития твоего: Ангели Божии прияша тя с собою и в небесныя обители вознесоша, идеже ты поеши ныне: Аллилуия.

Икос 6

Дух свой Богу предал еси при словах Псалмопевца: «Аз же, Господи, уповаю на Тя». И нас во уповании сем светлем укрепи, поющих ти таковая:
Радуйся, Ангелы на Небо вознесенный.
Радуйся, небесныя радости еще на земли вкусивый.
Радуйся, яко пред тобою Небеса отверзошася.
Радуйся, яко Господь в небесныя обители всели тя.
Радуйся, до кончины жития твоего о пастве твоей попечение имевый.
Радуйся, яко и немощи телесныя твоему чадолюбию не возбраниша.
Радуйся, яко Духом Святым восходя от силы в силу, небеснаго царствия достигл еси.
Радуйся, яко тамо ныне со святыми ликовствуеши.
Радуйся, яко и нас, грешных, на земли не оставляеши.
Радуйся, яко духом нам спребываеши.
Радуйся, молитвами нам помогаяй.
Радуйся, яко любы твоя никакоже оскуде на нас.
Радуйся, святителю отче Иннокентие, теплый молитвенниче о душах наших.

Кондак 7

Хотя просветити всех ведением неизреченных судеб Божиих, дивный списатель дел минувших был еси, в них же премудрый Промысел Создателя, вся племена и языки ко спасению ведущий, всем указал еси. Тем же и мы Щедрому Богу покланяемся и вопием: Аллилуия.

Икос 7

Новаго тя чудотворца и молитвенника во времена последняя дарова нам Человеколюбец Господь, егда за умножение беззакония оскуде во многих любы. Твоего предстательства аще и недостойнии, но на всепокрывающую любовь твою надеющеся, о нас просим: не остави нас в годину лютых испытаний, укрепляя молитвами твоими вопиющих ти таковая:
Радуйся, яко молитвами твоими землю нашу облагоухал еси.
Радуйся, яко подвиги твоими край наш освятил еси.
Радуйся, о пастве твоей предстателю неусыпный.
Радуйся, помощниче наш во всяких бедах и напастех.
Радуйся, списателю судеб Божиих пречудный.
Радуйся, теми вся ны наставивый.
Радуйся, проповедниче велегласный.
Радуйся, делателю вертограда Христова премудрый.
Радуйся, верный и благий воине Царя Небеснаго.
Радуйся, цевнице духовная, славу Божию бряцающая.
Радуйся, архиереев Богодохновенное украшение.
Радуйся, благочестия твердое ограждение.
Радуйся, святителю отче Иннокентие, теплый молитвенниче о душах наших.

Кондак 8

Странное и преславное чудо является всем, егда честныя и многоцелебныя мощи твоя, аще и от безбожников поругани быша, обретеся паки, к сим же припадаем и Богу вопием: Аллилуия.

Икос 8

Весь еси в вышних, но и нас, долу поверженных, не оставляеши, святителю отче Иннокентие, моления наша слышиши и скоро исполняеши и всегда неотступен пребуди нам, вопиющих ти таковая:
Радуйся, яко всех прибегающих к тебе заступаеши.
Радуйся, яко мощи твоя врачевания источают.
Радуйся, яко моления наша слышиши.
Радуйся, яко во благо их исполняеши.
Радуйся, яко нетлением мощей твоих Ангелов возвеселил еси.
Радуйся, яко мощей твоих беси трепещут.
Радуйся, яко нас, грехми омраченных, просветил еси.
Радуйся, яко смрад страстей наших отгнал еси.
Радуйся, яко талант, данный тебе Богом, умножил еси.
Радуйся, яко в радость Господа твоего вшел еси.
Радуйся, яко нас пред Престолом Божиим непрестанно поминаеши.
Радуйся, яко в благодатных сониях и видениих нас посещаеши.
Радуйся, святителю отче Иннокентие, теплый молитвенниче о душах наших.

Кондак 9

Вси православнии возрадовахуся, егда на Соборе святительстем в лето двотысящное от Рождества Христова в лице святых Церковь Православная прослави тя. Мы же, имуще таковаго молитвенника, вопием возвеличившему тя Богу: Аллилуия.

Икос 9

Витии суемудренныя, тобою посрамленныя, недоумеют, чесо глаголати. Ты же, силою Божиею укрепляемь, всех дерзновенно обличил еси. Мы же, взирающе на праведное житие твое и на твердое веры православныя исповедание, вопием ти таковая:
Радуйся, Христом Богом возлюбленный.
Радуйся, силою свыше облеченный.
Радуйся, научение книжное возлюбивый.
Радуйся, тому усердно прилежавый.
Радуйся, разум Божественный стяжавый.
Радуйся, яко Слово Божие умудри тя.
Радуйся, преданий апостольских верный блюстителю.
Радуйся, правды Божия ревностный хранителю.
Радуйся, просвещенный благодатию.
Радуйся, учителю златословесный.
Радуйся, изгнанный правды Христовы ради.
Радуйся, яко твое есть царствие небесное.
Радуйся, святителю отче Иннокентие, теплый молитвенниче о душах наших.

Кондак 10

Спасти хотя паству твою от ересей и соблазнов, скверная учения беззаконных обличил еси, преславне отче Иннокентие, Православие кротостию премудрых словес твоих утвердил еси и научил еси стадо твое Богоугодно воспевати: Аллилуия.

Икос 10

Стена твердая и ограда необоримая бысть сила молитв твоих, Богоносе отче Иннокентие. Сего ради и мы, паства твоя, к тебе с верою прибегаем и усердно молим: буди нам ограждение крепкое и оружие враги прогоняющее, да не возрадуются хотящии нам злая. Мы же, имея таковаго Богодарованнаго помощника и заступника, в веселии вопием ти таковая:
Радуйся, добрый паствы твоея первосвятителю.
Радуйся, сумнящихся крепкое в вере утверждение.
Радуйся, злобу власть придержащих кротко претерпевый.
Радуйся, истину небоязненно им вещавый.
Радуйся, гонения и притеснения правды ради смиренно приявый.
Радуйся, у благочестивых чад своих пристанище имевый.
Радуйся, яко тобою от всех зол избавляемся.
Радуйся, яко твоими молитвами ревности в православней вере исполняемся.
Радуйся, яко тобою истина утверждается.
Радуйся, яко тобою лицеприятие и человекоугодие посрамляется.
Радуйся, яко пресекл еси злочестивых волнение.
Радуйся, людем пензенским и саратовским похваление.
Радуйся, святителю отче Иннокентие, теплый молитвенниче о душах наших.

Кондак 11

Пение похвальное приносим тебе, святителю отче Иннокентие, и смиренно тя молим: моли о нас Человеколюбца Бога, да не отвратит лица Своего от нас, присно согрешающих и благость Его на всяк час преогорчевающих, но да твоим заступлением избавит нас от грехов и прегрешений наших, наипаче же сподобит в час кончины нашея покаяния и Божественных Таин причастия, да таковых приобщившеся, сподобимся с тобою в небесных обителех воспети Богу: Аллилуия.

Икос 11

Светильник, во тме неверия седящих просвещающий, был еси в земнем житии твоем, отче наш Иннокентие. Просвети убо молитвами твоими и нас, в пучине греха погибающих, да благодарне вопием тебе сице:
Радуйся, смирения и терпения нам наставниче премудрый.
Радуйся, в молитвах и бдениях учителю наш предобрый.
Радуйся, яко от суесловия и суемудрия нас отвращаеши.
Радуйся, яко в добродетели нас наставляеши.
Радуйся, яко в суете мирской и попечениих житейских погрязшим путь к Горним указуеши.
Радуйся, яко нас, обремененных грехми и скорбьми многими, никогдаже оставляеши.
Радуйся, истинный учениче Христов, нас, сирых, возлюбивый.
Радуйся, гордых и жестоковыйных смиривый.
Радуйся, яко всех почитающих тя от напастей и зол сохраняеши.
Радуйся, яко всех скорбящих и болезнующих, к заступлению твоему притекающих, утешаеши.
Радуйся, светильниче, нас, потемненных грехми, с любовию освещаяй.
Радуйся, миро, нас, оскверненных беззаконии смрадными, облагоухающее.
Радуйся, святителю отче Иннокентие, теплый молитвенниче о душах наших.

Кондак 12

Благодати сосуд избранный был еси, святителю отче Иннокентие, восхваляюще тя усердно, молим: пролей теплую молитву ко Всевышнему за православное Отечество наше, да избавимся от нашествия иноплеменных и междоусобных браней и да изриновены будут лжеучителие и еретицы инославнии, по грехам нашим умножившиися ныне и ищущии, како православных уловити. Мы же в мире и тишине воспоем Христу Богу: Аллилуия.

Икос 12

Поюще славное твое к Небесным обителем восхождение, святителю отче Иннокентие, прославляем равноангельное житие твое и во умилении сердца славим, хвалим и величаем возвеличившаго тя Господа, даровавшаго нам новаго молитвенника и предстателя, Егоже умоли спастися всем, поющим ти таковая:
Радуйся, житием своим Ангелов удививый.
Радуйся, подвиги своими человеков наставивый.
Радуйся, нищетою духовною сокровище царствия Божия обретый.
Радуйся, плачем и скорбьми временными утешения вечнаго сподобивыйся.
Радуйся, кротостию своею землю правых наследивший.
Радуйся, правды на земли алкавый, на небесех же правдою Божиею насыщенный.
Радуйся, милостию и нищелюбием милость велию от Господа стяжавый.
Радуйся, очистивый очи сердца своего от скверны греха и Бога узревый.
Радуйся, миротворения ради сыном Божиим нареченный.
Радуйся, изгнанный правды ради и в небесныя обители со славою приятый.
Радуйся, поношения и неправедныя гонения Христа ради претерпевый и многу мзду на небесех получивый.
Радуйся, яко мощей твоих рака бывает нам источник исцелений и утешений, обильно преизливающийся.
Радуйся, святителю отче Иннокентие, теплый молитвенниче о душах наших.

Кондак 13

О преславный святителю Христов Иннокентие! Приими от нас сие малое моление, в похвалу тебе приносимое, и избави нас предстательством твоим от многих бед и скорбей, да в житии сем временнем сетей вражиих и прелести бесовския избавльшеся, воздушная мытарства непреткновенно минуя, в небесный Иерусалим вселитися сподобимся, и тамо с тобою Всеблагому Богу нашему воспоем: Аллилуия.

Этот кондак читается трижды.
Затем икос 1-й: «Ангельским смирением…»
и кондак 1-й: «Избранный угодниче Христов…»

Молитва

Боже Великий и Сильный, Боже Святый и во святых почиваяй! Се ныне мы, раби недостойнии, колена сердец наших в страсе и умилении приклоньше подножию величествия Твоего, припадаем и, не дерзая воззрети на высоту небесную, смиренно милости Твоея безмерныя чаем. Веси, Господи, яко недостойни есмы, но на молитву к Тебе ныне воздвизаем дивнаго угодника Твоего Иннокентия, чудотворца новоявленнаго, иже воистину бе муж по сердцу Твоему.

Ты рекл еси, Господи, пречистыми усты Твоими, яко ради и десятих праведных не погубиши града нечестивых. Умилосердися, Владыко Святый, и ниневитяном, согрешшим Тебе, спасения искавый, и ныне на нас, непотребных и премного согрешших рабех Твоих, и приими в умилостивление молитвы пречуднаго сего святителя Твоего, с ним же и всех святых Твоих, прославленных в двотысящное лето преславнаго Воплощения Твоего, да ходатайствуют сии пред Тобою о нас, чадех и сродницех их, многа бо любы их, многое и дерзновение пред лицем Твоим. Многими грехми помрачися естество наше, осквернихом души и телеса своя по действу исконнаго человекоубийцы и противника Твоего, но паче припадаем благости Твоей, на милосердие Твое токмо надеющеся.

Усердно же просим и великаго ходатая нашего и теплаго в бедах нам предстателя Иннокентия, неповиннаго воистину во очесех Твоих, да пролиет и свою многомощную молитву пред Тобою, Отцем Светов. Не взирай убо на грехи наша, Боже Превечный, но призри на веру и надеяние наши и предстательство угодника Твоего Иннокентия, и очисти ны от скверн наших. Яко да слезами покаяния и действом благодати Твоея очищени, возможем внити в светлый оный и прекрасный чертог, егоже уготовал еси любящим Тя, и тамо купно со святителем Иннокентием возможем воспевати пречестное и великолепое имя Твое, Отца и Сына и Святаго Духа, в безконечныя веки веков. Аминь.